Ad

Slider

နိုင်ငံတော်အတိုင်ပင်ခံရုံးဝန်ကြီးဌာန ဖွဲ့စည်းရန် ပြည်ထောင်စုလွှတ်တော် သဘောတူ

ရန်ကုန်၊ မေ ၁ဝ

နိုင်ငံတော်အစိုးရသည် အမျိုးသားရင်ကြားစေ့ရေး၊ ပြည်တွင်းငြိမ်းချမ်းရေး။ နိုင်ငံတော် ဖွံ့ဖြိုးတိုးတက်ရေး၊ တရားဥပဒေစိုးမိုးရေး စသည့် လုပ်ငန်းစဉ်များကို ချမှတ် အကောင်အထည်ဖော် လုပ်ဆောင်လျက်ရှိရာ ယင်းလုပ်ငန်းစဉ်များ ပိုမိုထိရောက် အောင်မြင်မှု ရရှိနိုင်ရေးအတွက် လုပ်ငန်းတာဝန်များအား ဆက်စပ်ဆောင်ရွက်နိုင်ရေးအတွက် ဒေါ်အောင်ဆန်းစုကြည် ဦးဆောင်သည့် နိုင်ငံတော်အတိုင်ပင်ခံရုံးအား ၀န်ကြီးဌာနအဖြစ် ဖွဲ့စည်းရန်ကိစ္စအား မေလ ၁၀ ရက်တွင် ပြုလုပ်သည့် ပြည်ထောင်စုလွှတ်တော် အစည်းအဝေးတွင် သဘောတူလိုက်ပြီ ဖြစ်သည်။

ဖွဲ့စည်းပုံအခြေခံဥပဒေ ၂၀၂ ပါ ဥပဒေပြဋ္ဌာန်းချက်များအရ နိုင်ငံတော်သမ္မတသည် “ပြည်ထောင်စုအစိုးရ၀န်ကြီးဌာနများကို လိုအပ်သလို သတ်မှတ်နိုင်သည်။ ထို့ပြင် ၀န်ကြီးဌာနများကို ပြင်ဆင်သတ်မှတ်ခြင်း၊ ဖြည့်စွက်ခြင်း ပြုနိုင်သည်” အတွက် ယင်းပြဋ္ဌာန်းချက်နှင့်အညီ နိုင်ငံတော်အတိုင်ပင်ခံရုံးဝန်ကြီးဌာန ဖွဲ့စည်းလိုကြောင်း သမ္မတဦးထင်ကျော်က မေလ ၃ ရက်နေ့စွဲဖြင့် ပြည်ထောင်စုလွှတ်တော် နာယကထံ သ၀ဏ်လွှာ ပေးပို့ခဲ့ရာ အဆိုနှင့် ပတ်သက်ပြီး ဆွေးနွေးမည့်သူ မရှိသည့်အတွက် လွှတ်တော်အဆုံးအဖြတ် ခံယူကာ သဘောတူညီလိုက်ခြင်း ဖြစ်သည်။

“ဖွဲ့စည်းပုံ အခြေခံဥပဒေ ပုဒ်မ ၂၀၂၊ ပုဒ်မခွဲ (က) နဲ့အညီ နိုင်ငံတော်သမ္မတထံမှ သ၀ဏ်လွှာပေးပို့ထားတဲ့ နိုင်ငံတော်အတိုင်ပင်ခံရုံး ၀န်ကြီးဌာနတစ်ခု တိုးချဲ့ ဖွဲ့စည်းရန် သဘောတူပါသလား” ဟု လွှတ်တော်နာယက မန်းဝင်းခိုင်သန်းက လွှတ်တော်ကိုယ်စားလှယ်များ၏ သဘောထားကို တောင်းခံခဲ့ရာ ထောက်ခံသူသာရှိပြီး ကန့်ကွက်သူ မရှိခဲ့သည့်အတွက် သဘောတူညီလိုက်ခြင်းလည်း ဖြစ်သည်။

ယခုကဲ့သို့ နိုင်ငံတော်အတိုင်ပင်ခံရုံး ၀န်ကြီးဌာန ဖွဲ့စည်းရန် သဘောတူညီလိုက်ပြီဖြစ်သည့်အတွက် ယခင်ရှိပြီး ၀န်ကြီးဌာနပေါင်း ၁၈ ခုအပါအ၀င် ၁၉ ခုမြောက် ၀န်ကြီးဌာန ပေါ်ထွက်လာတော့မည် ဖြစ်သည်။
ဒေါက်တာတင်မျိုးဝင်း။ Photo by gettyimages.co.uk

အစိုးရသက်တမ်းတစ်ခုအတွက်သာ ဥပဒေပြု ပြဋ္ဌာန်းထားရှိသည့် နိုင်ငံတော်အတိုင်ပင်ခံ ပုဂ္ဂိုလ်အဖြစ် လတ်တလောတွင် ဒေါ်အောင်ဆန်းစုကြည်က တာဝန်ယူလျက်ရှိပြီး ၀န်ကြီးဌာနနှစ်ခုကိုပါ ကိုင်တွယ်ဆောင်ရွက်နေသည့်အတွက် ယခုဖြစ်ပေါ်လာမည့် အတိုင်ပင်ခံရုံး ၀န်ကြီးဌာန ၀န်ကြီးအဖြစ် သူမနှင့် နီးစပ်သူ NLD ပါတီမှ ဒေါက်တာတင်မျိုးဝင်းကို ခန့်အပ်ဖွယ်ရှိကြောင်းလည်း သုံးသပ်မှုများ ထွက်ပေါ်လျက် ရှိသည်။

ဒေါက်တာတင်မျိုးဝင်းမှာ ဒေါ်အောင်ဆန်းစုကြည်ကိုယ်တိုင် ပါဝင်ဆောင်ရွက်နေသည့် ငြိမ်းချမ်းရေးလုပ်ငန်းများတွင် ဆက်သွယ်ရေးပုဂ္ဂိုလ်အဖြစ် တာဝန်ပေးအပ်ခံထားရကာ အခြားသော ပါဝင်ပတ်သက်နေသူများနှင့် ဆွေးနွေးလုပ်ကိုင်ရာတွင် အဆင်ပြေ ချောမွေ့စေရန်အလို့ငှာ အစိုးရအဖွဲ့အတွင်း ရာထူးတစ်စုံတစ်ရာမရှိသည့်အတွက် ယခုကဲ့သို့ နိုင်ငံတော်အတိုင်ပင်ခံရုံးဝန်ကြီးအဖြစ် ခန့်အပ်ခံရနိုင်ကြောင်း သုံးသပ်နေကြခြင်းလည်း ဖြစ်သည်။

အောက်ချင်း သတင်းအေဂျင်စီ
0

No comments

Post a Comment

Mega Menu

blogger
© all rights reserved
made with by templateszoo