ကန့်ကွက်သူမရှိ၍ ပြည်ထောင်စုအဆင့် အစိုးရအအဖွဲ့ဝင်လေးဦးအား အတည်ပြု ခန့်အပ်

ရန်ကုန်၊ ဧပြီ ၅

နိုင်ငံတော်သမ္မတ ဦးထင်ကျော်က ပြည်ထောင်စုအဆင့် ၀န်ကြီးနှစ်၊ ပြည်ထောင်စု ရှေ့နေချုပ်နှင့် ပြည်ထောင်စု စာရင်းစစ်ချုပ်တို့အား ဧပြီလ ၄ ရက်က အမည်စာရင်းတင်သွင်းခဲ့ရာ ကန့်ကွက်သူ တစုံတရာ မရှိသည့်အတွက် အမည်စာရင်း တင်သွင်းထားသူများအား ဧပြီလ ၅ ရက်တွင် ပြုလုပ်သည့် ပြည်ထောင်စုလွှတ်တော် အစည်းအဝေးတွင် အတည်ပြုလိုက်ပြီ ဖြစ်သည်။

အတည်ပြုခံရသူများမှာ ပညာရေးဝန်ကြီးဌာန ၀န်ကြီးအဖြစ် ဒေါက်တာမျိုးသိမ်းကြီး၊ လျှပ်စစ်နှင့် စွမ်းအင်ဝန်ကြီးဌာန ၀န်ကြီးအဖြစ် ဦးဖေဇင်ထွန်း၊ ပြည်ထောင်စု ရှေ့နေချုပ်အဖြစ် ဦးထွန်းထွန်းဦးနှင့် ပြည်ထောင်စုစာရင်းစစ်ချုပ်အဖြစ် ဦးမော်သန်းတို့ ဖြစ်သည်။

ပြည်ထောင်စု ရှေ့နေချုပ်အဖြစ် ခန့်အပ်ခံရသူ ဦးထွန်းထွန်းဦးမှာ စစ်ဘက်ဆိုင်ရာတွင် ဗိုလ်ချုပ်အဆင့်အထိ ထမ်းဆောင်ခဲ့ဖူးကာ ၂၀၀၆ ခုနှစ်မှ ၂၀၁၆ ခုနှစ်အထိ ဒုတိယရှေ့နေချုပ်အဖြစ် တရားရေးဌာနဘက်တွင် တာဝန်ထမ်းဆောင်ခဲ့ဖူးသူ ဖြစ်သည်။

အောက်ချင်း သတင်းအေဂျင်စီ