Friday, May 25, 2018

aung7

စီမံ/ဘဏ္ဍာ ပြည်ထောင်စုဝန်ကြီး ရာထူးမှ နုတ်ထွက်

ရန်ကုန်၊ မေ ၂၆

အဂတိ လိုက်စားမှု တိုက်ဖျက်ရေးကော်မတီ၏ စစ်ဆေးခြင်း ခံခဲ့ရသည့် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းကို ၎င်း၏ သဘောဆန္ဒအလျောက် နုတ်ထွက်ခွင့်ပြုလိုက်ကြောင်း မေလ ၂၅ ရက် နေ့စွဲဖြင့် နိုင်ငံတော်သမ္မတရုံးက ကြေညာလိုက်သည်။

ယင်းသို့ နုတ်ထွက်ခြင်းမှာ အခြေခံဥပေဒပုဒ်မ ၂၃၅ (ခ) ပါ သက်တမ်းမကုန်ဆုံးမီ အကြောင်းတစ်ခုခုကြောင့် မိမိသဘောဆန္ဒအလျောက် ရာထူးမှ နုတ်ထွက်လိုလျှင် နုတ်ထွက်လိုကြောင်း နိုင်ငံတော်သမ္မတထံ စာဖြင့် တင်ပြပြီး ရာထူးမှ နုတ်ထွက်နိုင်သည်ဟူသည့် ပြဋ္ဌာန်းချက်အရ နုတ်ထွက်ခွင့်ပြုခဲ့ခြင်းဖြစ်ကြောင်း ယင်း ထုတ်ပြန်ကြေညာချက်တွင် ဖော်ပြထားသည်။

နုတ်ထွက်သွားသည့် ပြည်ထောင်စုဝန်ကြီး နေအိမ်သို့ အထူးစုံစမ်းစစ်ဆေးရေးအဖွဲ့ (စစစ) က ၀င်ရောက်ရှာဖွေခဲ့ပြီး ၎င်းနှင့်အတူ သားဖြစ်သူတို့ကို ခေါ်ယူစစ်ဆေးမှုများ ရှိခဲ့သည်ဟု သတင်းများ ထွက်ပေါ်ခဲ့သည်။ ယင်းနောက် အဂတိလိုက်စားမှု တိုက်ဖျက်ရေးကော်မတီက ၀န်ကြီးအား စစ်ဆေးမှုများ ပြုလုပ်နေကြောင်းနှင့် စစ်ဆေးတွေ့ရှိမှု ရလဒ်များကို နိုင်ငံတော်သမ္မတနှင့် လွှတ်တော်ဥက္ကဋ္ဌထံ တင်ပြသွားမည်ဟု ကော်မရှင်ဥက္ကဋ္ဌ ဦးအောင်ကြည်က မီဒီယာများသို့ ထုတ်ဖော် ပြောဆိုထားသည်။

ဦးကျော်ဝင်းမှာ ၂၀၁၅ ရွေးကောက်ပွဲတွင် ရန်ကုန်တိုင်း၊ ဒဂုံဆိပ်ကမ်း မြို့နယ် ပြည်သူ့လွှတ်တော် ကိုယ်စားလှယ်အဖြစ် ရွေးချယ်ခံခဲ့ရကာ ပြည်ထောင်စုဝန်ကြီးအဖြစ် ထပ်မံ ရွေးချယ် တာဝန်ပေးအပ်ခံခဲ့ရသူ ဖြစ်သည်။ တာဝန်မှ နုတ်ထွက်သွားသည့် ပြည်ထောင်စုဝန်ကြီးဟောင်း ဦးကျော်ဝင်းသည် ၀န်ကြီးအဖြစ် ခန့်အပ်ခံခဲ့ရသည့်အတွက် အခြေခံဥပဒေပုဒ်မ  ၂၃၂ (ဈ) အရ ကိုယ်စားလှယ်အဖြစ်မှ အလိုအလျောက် နုတ်ထွက်ပြီးလည်း ဖြစ်သည်။

၎င်းသည် ပြည်ထောင်စုဝန်ကြီးအဖြစ် ခန့်အပ်ခံရစဉ်ကလည်း ဒေါက်တာဘွဲ့လက်မှတ်ကိစ္စနှင့် ပတ်သက်၍ ဝေဖန်ခံခဲ့ရသူ ဖြစ်သည်။

အောက်ချင်းသစ္စာ သတင်းအေဂျင်စီ

aung7

About aung7 -

Aung Htun Linn.. The Hornbill News Agency.

Subscribe to this Blog via Email :