Wednesday, May 2, 2018

aung7

စာရင်းသေအပ်ငွေအတိုးနှုန်း ကမ္ဘောဇဘဏ် လျော့ချ

ရန်ကုန်၊ မေ ၃

ပြည်တွင်းဘဏ်လုပ်ငန်းကြီး တစ်ခုဖြစ်သည့် ကမ္ဘာဇဘဏ် KBZ Bank က ၎င်းတို့ဘဏ်တွင် အပ်နှံထားသည့် စာရင်းသေ အပ်ငွေ (Fixed Deposit) အား ရက်အလိုက် ပိုင်းဖြတ်၍ အတိုးနှုန်းများ လျော့ချလိုက်ပြီဖြစ်ကြောင်း ထုတ်ပြန်ထားသည်။

စာရင်းသေအပ်ငွေ ကာလအပိုင်းအခြားအလိုက် ၃၀ ရက်အတွက် ယခင် ၉ % မှ ၈ %၊ ၉၀ ရက်အတွက် ယခင် ၉.၂၅% မှ ၈.၂၅%၊ ၁၈၀ ရက်အတွက် ယခင် ၉.၅၀% မှ ၈.၅၀%၊ ၂၇၀ ရက်အတွက် ယခင် ၉.၇၅% မှ ၈.၇၅% နှင့် ၃၆၀ ရက်အတွက် ယခင် ၁၀% မှ ၉% သို့ လျော့ချသတ်မှတ်လိုက်ခြင်း ဖြစ်သည်။

ထို့ပြင် ရက် ၇၂၀ အတွက် အတိုးနှုန်း ၉.၅၀% နှင့် ရက် ၁၀၈၀ ရက်အတွက် ၁၀% သို့ ပြောင်းလဲ သတ်မှတ်လိုက်ပြီး သုံးနှစ်အထိ အပ်နှံမည်ဆိုပါက ၁၀.၇၅% အထိ ပေးမည်ဖြစ်ကြောင်း ဘဏ်၏ ၀က်ဘ်ဆိုက်တွင် ကြေညာထားသည်။ ယင်းအတိုးနှုန်းသစ်မှာ လူပုဂ္ဂိုလ်တစ်ဦးချင်းအလိုက် အပ်နှံငွေအတွက် ဖြစ်သည်။ ကုမ္ပဏီနှင့် အသင်းအဖွဲ့များအတွက်မူ ၁၀၈၀ ရက်အပ်နှံငွေအတွက်သာ အတိုးနှုန်းကို ၈% သတ်မှတ်ထားသည်။

သို့သော် လက်ရှိအပ်နှံထားပြီးသော စာရင်းသေအပ်ငွေများအတွက်ကိုမူ အပ်နှံသက်တမ်းပြည့်သည်အထိ ယခင်အတိုးအနှုန်းအတိုင်းသာ ပေးအပ်သွားမည်ဖြစ်ကြောင်း KBZ ဘဏ်က ကြေညာထားသည်။

အောက်ချင်းသစ္စာ သတင်းအေဂျင်စီ

aung7

About aung7 -

Aung Htun Linn.. The Hornbill News Agency.

Subscribe to this Blog via Email :