Wednesday, May 2, 2018

aung7

၂၀၁၇ ခုနှစ်အတွင်း မုဒိန်းမှုပေါင်း ၂၀၀၀ နီးပါး တရားစွဲဆိုခဲ့ရ

ရန်ကုန်၊ မေ ၃

မြန်မာနိုင်ငံတစ်ဝန်း ပြီးခဲ့သည့် ၂၀၁၇ ခုနှစ်အတွင်း မုဒိန်းမှုပေါင်း ၂၀၀၀ နီးပါးခန့်ကို တရားစွဲဆိုနိုင်ခဲ့ကြောင်း ၂၀၁၇ ခုနှစ် တရားရုံးနှစ်စဉ် အစီရင်ခံစာတွင် ဖော်ပြထားသည်။

၂၀၁၇ ခုနှစ် ဇန်န၀ါရီလ ၁ ရက်မှ ဒီဇင်ဘာလ ၃၁ ရက်အထိ တစ်နှစ်တာအတွင်း တရားရုံးတင် စွဲဆိုနိုင်ခဲ့သည့် မုဒိန်းမှုပေါင်းမှာ ၁၉၃၀ အထိ ရှိခဲ့ရာ ယင်းတို့ထဲတွင် ဧရာဝတီတိုင်းမှာ ၃၃၄ မှုဖြင့် အများဆုံးဖြစ်ကာ ကယားပြည်နယ်မှာ ၈ မှုဖြင့် အနည်းဆုံး ဖြစ်သည်။

တစ်နှစ်တာအတွင်း ဖြစ်ပွားခဲ့သည့် မုဒိန်းမှုကိန်းဂဏန်းအရ တစ်ရက်လျှင် မုဒိန်းမှု ငါးမှု နှုန်းဖြင့် ဖြစ်ပွားခဲ့ခြင်း ဖြစ်ကာ ဧရာဝတီတိုင်းနောက်တွင် မန္တလေးတိုင်းမှ ၂၈၈ မှု၊ ရန်ကုန်တိုင်းတွင် ၂၅၈ မှု၊ ပဲခူးတိုင်းတွင် ၂၃၆ မှု၊ စစ်ကိုင်းတိုင်းတွင် ၂၂၀ မှုအထိ မှုခင်းများဖြစ်ပွားကာ တရားရုံးတင် စွဲဆိုထားနိုင်ခဲ့သည်။

ထို့ပြင် အခြားအရေးကြီး ရာဇ၀တ်မှုအမျိုးအစားများဖြစ်သည့် လူသတ်မှုပေါင်း ၁၂၁၄ မှု၊ မူးယစ်ဆေးဝါးမှု ၉၀၅၂ မှု နှင့် လူကုန်ကူးမှု ၁၉၁ မှုတို့ကိုလည်း တရားရုံးတင် အမှုစွဲဆိုထားနိုင်ခဲ့ကြောင်း ယင်းအစီရင်ခံစာ၌ ဖော်ပြထားသည်။

လူသတ်မှုအများဆုံး ဖြစ်ပွားခဲ့သည့် ဒေသမှာ မန္တလေးတိုင်းဖြစ်ပြီး အမှုပေါင်း ၁၈၄ မှုအထိ ဖြစ်ပွားခဲ့ကာ ကယားပြည်နယ်တွင်မူ လူသတ်မှု လေးမှုသာ ဖြစ်ပွားခဲ့ကာ အနည်းဆုံး ဖြစ်သည်။

မူးယစ်ဆေးဝါးမှုနှင့် ပတ်သက်၍ တရားရုံးတင် စွဲဆိုခဲ့ရမှုအများဆုံးဒေသမှာ ရှမ်းပြည်နယ်ဖြစ်ပြီး ၂၀၆၃ မှုထိ ရှိခဲ့သည်။ ယင်းနောက်တွင် ကချင်ပြည်နယ်က ၁၇၃၀ မှု၊ စစ်ကိုင်းတိုင်းတွင် ၁၄၁၉ မှု၊ ရန်ကုန်တိုင်းတွင် ၁၀၇၇ အထိ ရှိခဲ့ပြီး ချင်းပြည်နယ်မှာ နှစ်မှုဖြင့် အနည်းဆုံး ဖြစ်သည်။

အရေးကြီးမှုခင်းအမျိုးအစားဖြစ်သည့် လူကုန်ကူးမှုနှင့်ပတ်သက်၍ တရားစွဲဆိုနိုင်မှုအများဆုံးမှာ ရှမ်းပြည်နယ်ဖြစ်ပြီး ၄၈ မှု၊ ရန်ကုန်တိုင်းတွင် ၃၈ မှု၊ မန္တလေးတိုင်းတွင် ၂၂ မှုအထိ ရှိပြီး ချင်းပြည်နယ်တွင်မူ လူကုန်ကူးမှုနှင့် ပတ်သက်သည့် တရားစွဲဆိုထားမှုများ လုံးဝ မရှိခဲ့ပေ။

အောက်ချင်းသစ္စာ သတင်းအေဂျင်စီ

aung7

About aung7 -

Aung Htun Linn.. The Hornbill News Agency.

Subscribe to this Blog via Email :