Friday, March 23, 2018

aung7

ဒုသမ္မတနေရာအတွက် ကြံ့ခိုင်ရေး ဒုဗိုလ်ချုပ်ဟောင်းကို မဲအပြတ်အသတ်ဖြင့် ဦးဝင်းမြင့် အနိုင်ရ

နေပြည်တော်၊ မတ် ၂၃

သမ္မတနေရာအတွက် ပြည်သူ့လွှတ်တော်က အမည်စာရင်း ပေးပို့ တင်သွင်းရသော ဒုသမ္မတလောင်းအဖြစ် အမျိုးသားဒီမိုကရေစီအဖွဲ့ချုပ်မှ ယခင် ပြည်သူ့လွှတ်တော်ဥက္ကဋ္ဌဖြစ်သူ ဦးဝင်းမြင့်အား ရွေးချယ်လိုက်ပြီ ဖြစ်သည်။

မတ်လ ၂၃ ရက်က ပြည်သူ့လွှတ်တော်တွင် ပြုလုပ်သော အစည်းအဝေးတွင် ပြည်သူ့လွှတ်တော် အစုအဖွဲ့၏ ဒုသမ္မတလောင်းအဖြစ် ဦးဝင်းမြင့်ကို ဒေါ်မေ၀င်းမြင့် (မရမ်းကုန်းမဲဆန္ဒနယ်) မှ အဆိုပြု တင်သွင်းခြင်းဖြစ်ကာ ကြံ့ခိုင်ရေးပါတီဘက်မှ ဒုတိယဗိုလ်ချုပ်ကြီးဟောင်းနှင့် လက်ရှိ ပျော်ဘွယ်မဲဆန္ဒနယ်မှ ဦးသောင်းအေးကို ဇေယျာသီရိမဲဆန္ဒနယ်မှ ဗိုလ်ချုပ်ကြီးဟောင်း ဦးလှဌေးဝင်းတို့က အမည်စာရင်း တင်သွင်းခဲ့ကြခြင်း ဖြစ်သည်။

တစ်ဦးထက် ပိုသည့်အတွက် မဲပုံးထောင် ဆန္ဒမဲခွဲခဲ့ရာ မဲပေးသူပေါင်း ၃၀၄ မဲအနက် ဦးဝင်းမြင့်မှာ ထောက်ခံမဲ ၂၇၃ မဲ ရရှိခဲ့သည့်အတွက် ပြည်သူ့လွှတ်တော်အစုအဖွဲ့၏ ဒုသမ္မတလောင်းအဖြစ် ရွေးချယ်ခံခဲ့ရသည်။ ဦးသောင်းအေးမှာ ၂၇ မဲသာ ရရှိခဲ့ပြီး မဲပေးရာ၌ ပယ်မဲ လေးမဲ ရှိခဲ့သည်။

အောက်ချင်းသစ္စာ သတင်းအေဂျင်စီ

aung7

About aung7 -

Aung Htun Linn.. The Hornbill News Agency.

Subscribe to this Blog via Email :