Tuesday, March 27, 2018

aung7

ငြိမ်းစုစီက ၂၀၂၀ အတွက်ဆိုရင်…

ငြိမ်းစုစီ ဥပဒေကြမ်းကို အမျိုးသားလွှတ်တော်မှာ အတည်ပြုလိုက်ပြီးသကာလ NLD အစိုးရရဲ့ သဘောထားကို သိချင်သူတွေ တိုးလာပါတယ်။ စစ်အစိုးရနဲ့ ၂၀၁၀ နောက်ပိုင်း တက်လာတဲ့ အရပ်ဝတ်လဲ အစိုးရလက်ထက် အမျိုးသားဒီမိုကရေစီ အဖွဲ့ချုပ် NLD အပါအ၀င် နိုင်ငံရေး တက်ကြွလှုပ်ရှားသူတွေက တဂျိမ်းဂျိမ်း ဆန္ဒပြမှုတွေ ရှိခဲ့တာ အားလုံးလည်း အသိပါ။ ဒါပေမဲ့ NLD ပါတီ ၂၀၁၅ မှာ အာဏာရလာပြီး အခုအချိန်ကျမှ ငြိမ်းစုစီဥပဒေနဲ့ ဆန္ဒပြပွဲတွေကို ကန့်သတ်လိုက်တဲ့အတွက် ဒီမိုလိုလားသူတွေက နှုတ်ခေါင်းရှုံ့ကုန်ကြပါတယ်။ လွှတ်တော် ထဲက NLD အမတ်အချို့တောင် ထကန့်ကွက်တဲ့အထိ ပြင်းထန်ခဲ့ပါတယ်။ ဒါပေမဲ့လည်း NLD အမတ် အများစုကဲတဲ့ အမျိုးသားလွှတ်တော်ကတော့ ဒါကို အတည်ပြုလိုက်ပြီး ဖြစ်ပါတယ်။

ဒီနေရာမှာ ပြည်သူ့လိုလားမှုတွေ၊ ဆန္ဒပြမှုတွေကနေ ပေါက်ဖွားလာတဲ့ NLD က ဘာလို့ လွတ်လပ်စွာ ဆန္ဒဖော် ထုတ်ခွင့်ကို ကန့်သတ်ချင်ရတာလဲ၊ ဒါဟာ လွတ်လပ်စွာ ဆန္ဒဖော်ထုတ်ခွင့်ကို အာဏာနဲ့ ထိန်းချုပ်တာပဲ စသဖြင့် အမျိုးမျိုး တွေးတော ရေးကြ၊ သားကြ၊ ပြောကြ၊ ဆိုကြ၊ ဝေဖန်ကြနဲ့ ဖြစ်နေကြပါတယ်။ ဆန္ဒပြပွဲတွေ နောက်ကွယ်မှာ လက်မဲကြီး ရှိတယ်၊ ငွေကြေးထောက်ပံမှုတွေ လုပ်ပြီး မတည်ငြိမ်အောင် လုပ်မှုတွေ ရှိတယ်လို့ ရှင်းချက်ထုတ်မှုတွေကလည်း ပလုံစီနေပါတယ်။

တကယ်တော့ ငြိမ်းစုစီဟာ လာမယ့် ၂၀၂၀ ရွေးကောက်ပွဲအတွက် NLD ရဲ့ ကြိုတင်ပြင်ဆင်ချက်လို့ သုံးသပ်မယ်ဆိုရင် သုံးသပ်လို့ ရပါတယ်။ NLD ပါတီရဲ့ အတွင်းစည်း ထိပ်ပိုင်းခေါင်းဆောင်တချို့ရဲ့ အတွင်း စကားတွေအရ အခုလို လုပ်တာဟာ အခုကနေ ၂၀၂၀ ရွေးကောက်ပွဲ မတိုင်မီ ကြားကာလအတွင်း နောက်ကွယ်က လက်မဲကြီးတွေ ရဲ့ လှုပ်ရှားမှုတွေက ပိုမိုပြင်းထန်လာမှာဖြစ်တယ်ဆိုတဲ့ အချက်တွေကြောင့်လို့ ဆိုထားပါတယ်။

နောက်ကွယ်က လက်မဲကြီးဆိုတာကတော့ ရှင်းပါတယ်။ တစ်ချိန်က အစိုးရဖြစ်ခဲ့ပြီး အခုအချိန်မှာ အတိုက်အခံ ကောင်းဖြစ်အောင် လုပ်နေပါတယ်ဆိုတဲ့ စစ်ဗိုလ်ချုပ်တွေရဲ့ ကြံ့ခိုင်ရေးပါတီပါပဲ။ သူတို့တင် မဟုတ်သေးပါဘူး။ ကြံ့ခိုင်ရေးပါတီနဲ့ ပေါ်တင်တဖုံ၊ တိုးတိုးတစ်နည်း လက်ချင်းချိတ်ထားတဲ့ တခြားသော နိုင်ငံရေးပါတီတွေလည်း ပါပါသေးတယ်။

ငြိမ်းစုစီကိစ္စနဲ့ ပတ်သက်လုိ့ နိုင်ငံရေးစိတ်ဝင်စားသူတွေကကော သဘောမတွေ့ကြတာတော့ အမှန်ပါပဲ။ ဒါပေမဲ့ တစ်ခုရှိတာကတော့ NLD ကို လျှော့တွက်လို့ မရဘူးဆိုတဲ့အချက်ပါ။ စစ်အာဏာရှင် လက်အောက် ကနေ ၂၀၁၅ မတိုင်ခင်ကာလအထိ ဘက်ပေါင်းစုံကနေ ဖိနှိပ်ခံနေရတဲ့ကြားထဲက ၂၀၁၅ အလွန်ကာလ အစိုးရဖွဲ့လာနိုင်တဲ့ ပါတီဆိုတာပါပဲ။ စစ်တပ်က ပြောင်းလဲခြင်လို့၊ အလျော့ပေးလို့ဆိုတဲ့စကားတွေက အတွေးတိမ်စေပါတယ်။
NLD အစိုးရ ဖြစ်လာသည်။ စီးပွားရေး၊ လူမှုရေးအရ မအောင်မြင်သည့် အစိုးရ။ နိုင်ငံရေးဖြင့် တက်လာသည့် အတွက် နိုင်ငံရေးအရတော့ အောင်မြင်သည်။ သေနတ်သံမထွက် သွေးစက် မြေမကျဘဲ အရပ်သားအစိုးရ တက်လာသည်။ NLD ကို ဒီ့ထက် မျှော်လင့်မိခြင်းကသာလျှင် ကိုရင်မောင်တို့ရဲ့ အမှား။ NLD သည် နိုင်ငံရေး အစိုးရဖြစ်သည့်အတွက် အုပ်ချုပ်ရေးနှင့် စီမံခန့်ခွဲမှုအပိုင်းမှာ အားနည်းသည်။ တစ်ခုပဲ ရှိသည်။ ၀န်မခံခြင်းသာ...
NLD အစိုးရ ဖြစ်လာသည်။ စီးပွားရေး၊ လူမှုရေးအရ မအောင်မြင်သည့် အစိုးရ။ နိုင်ငံရေးဖြင့် တက်လာသည့် အတွက် နိုင်ငံရေးအရတော့ အောင်မြင်သည်။ သေနတ်သံမထွက် သွေးစက် မြေမကျဘဲ အရပ်သားအစိုးရ တက်လာသည်။ NLD ကို ဒီ့ထက် မျှော်လင့်မိခြင်းကသာလျှင် ကိုရင်မောင်တို့ရဲ့ အမှား။ NLD သည် နိုင်ငံရေး အစိုးရဖြစ်သည့်အတွက် အုပ်ချုပ်ရေးနှင့် စီမံခန့်ခွဲမှုအပိုင်းမှာ အားနည်းသည်။ တစ်ခုပဲ ရှိသည်။ ၀န်မခံခြင်းသာ။ လတ်တလော NLD သည် ဦးစားပေးလုပ်ရပ်များသည် နိုင်ငံရေးကဏ္ဍများသာ ဖြစ်သည်။ အမျိုးသား ရင်ကြားစေ့ရေး၊ ငြိမ်းချမ်းရေး စသည့် နိုင်ငံရေးလုပ်ငန်းများတွင်သာ အာရုံစိုက်နေသည်။ ငြိမ်းချမ်းရေးရှိမှ တိုး တက်မည်ဆိုတဲ့ အယူအဆကိုပင်လျှင် စီးပွားရေးမူဝါဒထဲ ဆွဲသွင်းထားတဲ့ အစိုးရ ဖြစ်သည်။ ကိုရင်မေင် ပြောလိုခြင်းကတော့ တစ်ခုတည်းပါ။ NLD သည် နိုင်ငံရေးအစိုးရဖြစ်သည်။ စီးပွားရေး အစိုးရ မဟုတ်။ ထို့အ တွက်ကြောင့် နိုင်ငံရေး အခင်းအကျင်နှင့် ပတ်သက်လျှင် အတွေ့အကြုံရှိသည့် အစိုးရဖြစ်သည်လို့ ဆိုလိုခြင်း သာ ဖြစ်သည်။ ဒီတော့ ငြိမ်းစုစီကို ပြန်သွားကြရအောင်။

နောက်ကွယ်က လက်မဲကြီးတွေ ကြံ့စည်နေကြတဲ့ လှုပ်ရှားမှုတွေက ဘယ်လောက် အထိတောင် ရှိလာနိုင်လို့ သူတို့ကိုယ်တိုင် လက်စွဲကိုင်ခဲ့တဲ့ လွတ်လပ်စွာ ထုတ်ဖော်ခွင့်ကို NLD က မိမိဘာသာ ကန့်သတ်လိုက်တာလဲ ဆိုတာပါပဲ။ ဒါနဲ့ ပတ်သက်လို့ ပါတီအပြင် အစိုးရအဖွဲ့ကိုပါ ဦးဆောင်နေတဲ့ နိုင်ငံတော် အတိုင်ပင်ခံရဲ့ ပြောသံ၊ ဆိုသံ၊ ကျူးရင့်သံတွေက တိတ်ဆိတ်လို့ နေပါတယ်။ သံတမန်ဆန်တဲ့ အပြုံး၊ နိုင်ငံရေးဆန်တဲ့ မျက်လုံးအ ကြည့်တွေ ပျောက်နေပါပြီ။

တစ်ခုပဲ ဖြေတွေးစရာရှိသည်။ လာမည့် ၂၀၂၀ ရွေးကောက်ပွဲ မတိုင်ခင်ကာလ ဖြစ်ပေါ်လာနိုင်တဲ့ မတည်ငြိမ်မှု တွေကို ထိန်းချုပ်ချင်တာကြောင့် ဆိုတာတစ်ခုတည်းပါပဲ။ လာမယ့် ရွေးကောက်ပွဲမတိုင်ခင်ကာလ လူကြိုက် များသော ပုံစံဖြစ်တဲ့ လူမျိုးစုဆိုင်ရာ ယုံကြည်မှုတွေ၊ အမျိုးသားရေးဝါဒတွေနဲ့ ဘာသာရေး ယုံကြည်ချက်ကို အခြေခံနိုင်တဲ့ လှုပ်ရှားမှုတွေက NLD အတွက်တော့ စိတ်ပူစရာပါပဲ။ ပြည်တွင်းဖိအားတင်မက ပြည်ပဖိအားနဲ့ပါ ရင်ဆိုင်နေရတဲ့ NLD အစိုးရအတွက် အခက်တွေ့စေမယ့် ကာလဖြစ်ပါတယ်။ ဒီမိုကရေစီနဲ့ နေသားတကျ မရှိသေးတဲ့ နိုင်ငံတစ်ခုမှာ လူမျိုးရေး၊ ဘာသာရေး၊ အမျိုးသားရေးတွေကို တံဆိပ်ကပ်ပြီး ဆန္ဒပြမှုတွေ လုပ်၊ တစ်ဖက်ကလည်း တရားဝင်လမ်းကြောင်းအရ ရွေးကောက်ပွဲ ၀င်လာနိုင်ငံနဲ့ ပတ်သက်ပြီး ဆင်မြူရယ် ဟယ်လ်လင်တန်ရဲ့ စကားကို ငှားသုံးရရင် “အနောက်မှာ ပညာသင်၊ အနောက်ယဉ်ကျေးမှုနဲ့ ရင်းနှီးနေတဲ့ ထိပ်တန်းလူတန်းစားတွေကို ရင်ဆိုင်ဖို့ ဒီနည်းက အလုပ်ဖြစ်၊ လူကြိုက်များ၊ ထိရောက်မှုလည်း ရှိတယ်” ဆိုတဲ့ စကားပါပဲ။
အစိုးရပျက်ကွက်မှုက ဒီအဖွဲ့အစည်းတွေအတွက် အခွင့်အရေး ပိုရလာစေသလို အဖွဲ့အစည်းကို ငွေကြေးထောက်ပံ့ပြီး နောက်ကွယ်က ကြိုးကိုင်လိုသူတွေက လည်း မတည်မငြိမ် ဖြစ်အောင်လုပ်ဖို့အတွက် အခွင့်အလမ်းကောင်းတွေ ဖြစ်လာနေ...
NLD အစိုးရသည် “ပြည်သူနှင့်အတူ” ဆိုသည့် ဆောင်ပုဒ်နဲ့ ပြဒါးတစ်လမ်း သံတစ်လမ်းဖြစ်ကာ လူထုနှင့် ဝေးလာနေသည်။ လူထုအတွက် လုပ်ပေးရမည့် တာဝန်တွေကို ပျက်ကွက်နေသည်။ အစိုးရ ယန္တယားက ဖြည့်ဆည်းပေးရမည့် ကွက်လပ်တွေကို လူမျိုးရေး၊ ဘာသာရေး၊ အမျိုးသားရေး အဖွဲ့အစည်းတွေက ဖြည့် ဆည်းပေးနေကြသည်။ ဖြည့်ဆည်းပေးမှုက မျိုးစုံသည်။ ဆေးရုံဆေးခန်း၊ မူကြိုနဲ့ စာသင်ကျောင်း၊ လူအိုရုံ၊ ဘေးအန္တရာယ် ကျရောက်ချိန်မှာ ကူညီစောင့်ရှောက်မှု၊ စီးပွားပျက်ချိန်မှာ ငွေကြေးထောက်ပံ့မှု အပြင် စိတ်ပိုင်း ဆိုင်ရာ သက်သာရာရမှုတွေအထိ ဖြည့်ဆည်းပေးနေသည်။ အစိုးရပျက်ကွက်မှုက ဒီအဖွဲ့အစည်းတွေအတွက် အခွင့်အရေး ပိုရလာစေသလို အဖွဲ့အစည်းကို ငွေကြေးထောက်ပံ့ပြီး နောက်ကွယ်က ကြိုးကိုင်လိုသူတွေက လည်း မတည်မငြိမ် ဖြစ်အောင်လုပ်ဖို့အတွက် အခွင့်အလမ်းကောင်းတွေ ဖြစ်လာနေပါတယ်။

လက်တစ်ဆုပ်စာ လူတစ်စုက အာဏာသက်ရှည်ရေးနဲ့ သူတို့ အသက်ရှုချောင်ရေးအတွက် ရေးဆွဲခဲ့တဲ့ ၂၀၀၈ ဥပဒေအောက်ကို ခေါင်းလျှိုဝင်သွားတဲ့ NLD နဲ့ ပတ်သက်ပြီး မျှော်လင့်ချက်တွေ ကြီးကြပါတယ်။ ကြီးရကောင်း လားဆိုပြီး အပြစ်တင်မယ်ဆိုရင်တော့လည်း တင်ကြပါစေ။ တကယ်တော့ NLD အစိုးရ ဖြစ်လာတာဟာ NLD ရဲ့ ဆွဲဆောင်နိုင်မှုကြောင့် မဟုတ်ပါဘူး။ လူထူရဲ့ တွန်းအားကြောင့်သာ ဖြစ်တယ်ဆိုတာကို စိတ်နှလုံး သွင်းစေချင်ပါတယ်။

အထက်မှာဆိုခဲ့သလို ဘယ်အစိုးရတက်တက် လူထုလက်နက်ဖြစ်တဲ့ ငြိမ်းစုစီ ဥပဒေကို ကန့်သတ်မှုတွေ၊ ချုပ်ချယ်မှုတွေ ထည့်သွင်းပြီး ပြဋ္ဌာန်းဖို့ ကြိုးစားနေခြင်းသည် မလျော်ကန်သော လုပ်ရပ်ဖြစ်ပါတယ်။ ၂၀၀၈ ခြေဥအောက်မှာ လူထု လက်နက်က လွတ်လပ်စွာ ဆန္ဒဖော်ထုတ်ခွင့်ပဲ ရှိပါတယ်။ ဒါတောင်မှ ဟိုဥပဒေနဲ့ ကန့်သတ်ခံရ၊ ဒီဥပဒေနဲ့ ကန့်သတ်ခံရနဲ့ ရတဲ့အပေါက်က တိုးပြီး ဆန္ဒဖော်ထုတ်နေကြတာပါ။ တချို့ ဆန္ဒဖော် ထုတ်မှုတွေဆိုရင် NLD ကိုယ်တိုင်က လုပ်ဆောင်ပါမယ်လို့ ကတိပေးထားတဲ့ ခြေဥပြင်ဆင်ရေး လှုပ်ရှားမှု တွေပါ။ တချို့သော ဆန္ဒဖော်ထုတ်မှုတွေဟာ လူထုက ဖိနှိပ်ခံရလို့၊ ဂုတ်သွေးစုပ်ခံရလို့၊ မခံနိုင်တော့လို့ လမ်းပေါ်တက်ရတဲ့ မြေယာသိမ်းမှုတွေလိုမျိုး ဖိနှိပ်မှုတွေကြောင့်ပါ။ ဆန္ဒပြပွဲတိုင်းကတော့ နောက်ကွယ်က လက်မဲကြီးတွေရဲ့ လုပ်ရပ်ပဲလို့ သုံးသပ်လို့ မရပါဘူး။

ဒီပြဿနာတွေကို ဖြေရှင်းနိုင်ဖို့ အဖြေရှာပါ၊ ၂၀၂၀ မတိုင်သေးမီ ကာလအတွင်း ဗဟာဗျူဟာ ချမှတ်ပြီး လုပ်ကိုင်ပါ၊ ပြင်ဆင်ကြပါ။ လိုအပ်ရင် ဒါတွေကို ကန့်သတ်နိုင်မယ့် ဥပဒေတွေ အသစ်ပြဋ္ဌာန်းပါ။ ၂၀၂၀ ရွေးကောက်ပွဲမတိုင်မီ ကာလ ဖြစ်လာနိုင်တဲ့ မတည်ငြိမ်မှုလောက်ကို ထည့်မတွက်ဘဲ ရေရှည်အတွက် ထည့်တွက်ပြီး ဥပဒေကို ပြဋ္ဌာန်းကြပါလို့ တိုက်တွန်းလိုက်ရပါတယ်။

ထွဏ်းမောင် (အောက်ချင်းသစ္စာ သတင်းအေဂျင်စီ)

aung7

About aung7 -

Aung Htun Linn.. The Hornbill News Agency.

Subscribe to this Blog via Email :