Wednesday, May 11, 2016

aung7

နိုင်ငံတော်အတိုင်ပင်ခံရုံး ၀န်ကြီးဖြစ်လာမယ့် သံအမတ်ဟောင်း ဦးကျော်တင့်ဆွေနဲ့ မီဒီယာတွေက ဖော်ပြခဲ့တဲ့ သူ့ရဲ့အကြောင်း

ရန်ကုန်၊ မေ ၁၁

သမ္မတ ဦးထင်ကျော် အဆိုတင်သွင်းချက်ဖြင့် ပြည်ထောင်စုလွှတ်တော်က မေလ ၁၀ ရက်တွင် ၀န်ကြီးဌာန အဖြစ် ဖွဲ့စည်းရန် သဘောတူလိုက်သော နိုင်ငံတော်အတိုင်ပင်ခံရုံး၏ ပြည်ထောင်စု ၀န်ကြီးအဖြစ် ယခင် ကုလသမဂ္ဂ မြန်မာကိုယ်စားလှယ်ဟောင်း ဦးကျော်တင့်ဆွေအား လာမည့် မတ်လ ၁၃ ရက် လွှတ်တော်အစည်းအဝေး၌ အတည်ပြုခန့်အပ်မည် ဖြစ်ကြောင်း အမျိုးသား ဒီမိုကရေစီအဖွဲ့ချုပ် ဗဟိုအလုပ်အမှုဆောင် ဦးဝင်းထိန်က မီဒီယာများသို့ ဖြေကြားထားသည်။

သံအမတ်ဟောင်း ဦးကျော်တင့်ဆွေအား ၂၀၁၅ ရွေးကောက်ပွဲ ရလဒ်အရ တက်လာသည့် NLD အစိုးရအဖွဲ့တွင် နိုင်ငံခြားရေးဝန်ကြီးအဖြစ် ခန့်အပ်ခံရနိုင်ကြောင်း သတင်းများ ထွက်ပေါ်ခဲ့သေးပြီး ၎င်းသည် ဒေါ်အောင်ဆန်းစုကြည် ဦးဆောင်ခဲ့သည့် လက်ပံတောင်း စုံစမ်းစစ်ဆေးရေး အဖွဲ့တွင် အတွင်းရေးမှူးအဖြစ် လုပ်ကိုင်ခဲ့ဖူးသူလည်း ဖြစ်သည်။

၁၉၄၅ ခုနှစ် မတ်လ ၁၉ ရက်ဖွား သံအမတ်ဟောင်း ဦးကျော်တင့်ဆွေမှာ ရန်ကုန်တက္ကသိုလ်တွင် ပညာသင်ကြားခဲ့ဖူးသူဖြစ်ကာ ၁၉၆၈ ခုနှစ်တွင် နိုင်ငံခြားရေးဝန်ကြီးဌာန၌ စတင်လုပ်ကိုင်ခဲ့ပြီး သြစတြေးလျနိုင်ငံ၌ သံတမန်ရေးရာ သင်တန်းများ တက်ရောက်ခဲ့ဖူးသည်။ ယင်းနောက် အစ္စရေး၊ မလေးရှား၊ ဂျာမနီ၊ ထိုင်း၊ ဂျပန်ရှိ မြန်မာသံရုံးတို့တွင် တာဝန်ထမ်းဆောင်ခဲ့သည်။

၎င်းသည် ၂၀၀၁ ခုနှစ်မှ ၂၀၁၀ ခုနှစ်အထိ ကုလသမဂ္ဂဆိုင်ရာ မြန်မာကိုယ်စားလှယ် အဖြစ် တာဝန်ထမ်းဆောင်ခဲ့ကာ တာဝန်ထမ်းဆောင်စဉ်မှစကာ တာဝန်ပြီးဆုံးချိန်အထိ မြန်မာနိုင်ငံတွင် လူ့အခွင့်အရေး ချိုးဖောက်မှုများ မရှိကြောင်း ငြင်းဆိုခဲ့ဖူးသူဖြစ်ကာ မြန်မာနိုင်ငံ လူ့အခွင့်အရေး ကော်မရှင် ဒုဥက္ကဋ္ဌအဖြစ် တာဝန်ထမ်းဆောင်ခဲ့သူလည်း ဖြစ်သည်။

နယူးယောခ့်အခြေစိုက် မြန်မာနိုင်ငံဆိုင်ရာ ကုလသမဂ္ဂ အမြဲကိုယ်စားလှယ် ရာထူးမှာ စစ်အစိုးရ၏ ဂုဏ်သိက္ခာအား အဓိက ကာကွယ်ပေးရသူဖြစ်ပြီး ဦးကျော်တင့်ဆွေသည် မြန်မာ စစ်အစိုးရ ခေါင်းဆောင်းပိုင်းက ယုံကြည်အားထားရသည့် သံတမန်တစ်ဦးအဖြစ် ထင်ရှားသူလည်း ဖြစ်သည်။

ဦးကျော်တင့်ဆွေအား စစ်အစိုးရလက်ထက်တွင် ဒုဝန်ကြီရာထူးပေးရန်အတွက် ရန်ကုန် သံတမန် အသိုင်းအ၀န်းအတွင်း သတင်းများ ထွက်ပေါ်ခဲ့သေးသော်လည်း သီးခြားအတည်ပြုချက် မရှိသေးကြောင်း ခေတ်ပြိုင်သတင်းဌာနက ထုတ်ဖော်ရေးသားခဲ့ဖူးသည်။

၂၀၀၈ ခုနှစ်က ဖြစ်ပွားခဲ့ပြီး လူဦးရေများစွာ အသက်ဆုံးရှုံးခဲ့ရသည့် နာဂစ်မုန်တိုင်းအပြီးတွင် ပြည်ပမှ ၀င်ရောက်လာမယ့် လူသားချင်းစာနာမှု အကူအညီများကို စစ်အစိုးရက ခေါင်းမာစွာ လက်မခံခဲ့သည့် ဖြစ်ရပ်အပေါ် မြန်မာနိုင်ငံ ကုလသမဂ္ဂ အမြဲတမ်းကိုယ်စားလှယ် ဦးကျော်တင့်ဆွေထံ ယင်းကာလက ၀ါရှင်တန်ရှိ မြန်မာသံရုံးယာယီတာဝန်ခံ ဗိုလ်မှူး အောင်လင်းထွဋ်က မေလ ၇ ရက်တွင် အရေးပေါ်ပေးစာ တစ်စောင် ပေးပို့ခဲ့ဖူးသည်။

ယင်းပေးစာတွင် ဦးကျော်တင့်ဆွေအား လိပ်မူ၍ “မြန်မာနိုင်ငံရဲ့ ကျရောက်နေတဲ့ ဘေးဒုက္ခကို နိုင်ငံရေးကို ဘေးဖယ်ပြီး လူမှုရေးကို ရှေ့ရှုပြီး နိုင်ငံတကာရဲ့ အကူအညီနဲ့ ဒုက္ခရောက်နေတဲ့ မြန်မာနိုင်ငံသားတွေကို ခင်ဗျားအစွမ်းကုန် ကူညီဖို့ လိုနေ ပါသည်။ နိုင်ငံတော်အကြီးအကဲဆိုတဲ့ ဗိုလ်ချုပ်မှူးကြီးသန်းရွှေ အကြောင်းကို ခင်ဗျားရော ကျွန်တော်ရော ကောင်းကောင်းသိပါသည်။ “ မင်းတို့ အမင်္ဂလာသတင်းတွေ ငါမကြားချင်ဘူး” လို့ ဗိုလ်ချုပ်သန်းရွှေ ပြောခဲ့တာကို၊ ယခုအချိန်မှာ ခင်ဗျားတို့ ဒီစကားကို နာခံဖို့မသင့်တော့ပါဘူး။
နိုင်ငံတော်အကြီးအကဲဆိုတဲ့ ဗိုလ်ချုပ်မှူးကြီးသန်းရွှေ အကြောင်းကို ခင်ဗျားရော ကျွန်တော်ရော ကောင်းကောင်းသိပါသည်။ “ မင်းတို့ အမင်္ဂလာသတင်းတွေ ငါမကြားချင်ဘူး” လို့ ဗိုလ်ချုပ်သန်းရွှေ ပြောခဲ့တာကို၊ ယခုအချိန်မှာ ခင်ဗျားတို့ ဒီစကားကို နာခံဖို့မသင့်တော့ပါဘူး...
အထူးသဖြင့် အမေရိကန်နိုင်ငံက ကမ်းလှမ်းတဲ့ အကူအညီ အားလုံးကို လက်ခံဖို့၊ ပြည်ဝင်ခွင့် ရဖို့ အတွက် တာဝန်ရှိသူတစ်ယောက် အနေဖြင့် သက်ဆိုင်ရာ မြန်မာနိုင်ငံ အကြီးအကဲတွေကို နားဝင်အောင် အမြန်ပြောဖို့လိုပါတယ်။ ခင်ဗျားတို့ ကျွန်တော်တို့ဟာ နိုင်ငံရေးအရ သဘောထား မတူပေမဲ့ လူမှုရေးမှာ တက်ညီ လက်ညီ လုပ်ရလိမ့်မည်လို့ ယုံကြည်ပါသည်။

အခုမြန်မာလူမျိုးတွေ သောင်းနဲ့ချီပြီး သေဆုံးခဲ့ပြီ ဖြစ်ပါသည်။ သန်းနဲ့ချီပြီး ဒုက္ခ ရောက်နေကြတယ်။ ဒါတွေကို ခင်ဗျားတို့ လစ်လျှူရှုပြီး သေချင်သေ ဆိုတာမျိုး မလုပ်သင့်ပါဘူး။ ကုလသမဂ္ဂမှာ တာဝန်ရှိတဲ့ မြန်မာနိုင်ငံ ကိုယ်စားလှယ် တစ်ယောက်အနေနဲ့ နိုင်ငံတကာနဲ့ မြန်မာအစိုးရကြားမှာ သံတမန်တစ်ဦး အနေနဲ့ တစ်ဖက်နဲ့ တစ်ဖက် နားလည်မှုရရှိအောင် အမြန်ဆုံး ညှိနှိုင်းပေးပါ။ နိုင်ငံတကာ ကယ်ဆယ်ရေး Exports တွေ ပြည်ဝင်ခွင့်ရအောင် စွမ်းဆောင်ပေးပါ။ US က ကယ်ဆယ်ရေး Team ကို ကူညီဖို့ ၀င်ခွင့် ရအောင် သက်ဆိုင်ရာကို ပြောပေးပါ။

ကျွန်တော့်ဘက်က အကူအညီ လိုမယ်ဆိုရင်လဲ ပြောပါ။ ခင်ဗျားဟာ သံတမန်လောကမှာ ငယ်စဉ် ကတည်းက ကြိုးစားခဲ့ပြီး ရိုးသားတည်ကြည်တဲ့သူ တစ်ဦးအဖြစ် ကျွန်တော်သိပြီး လေးစားတဲ့အတွက် စာရေးသားလိုက်ခြင်း ဖြစ်ပါတယ်” “လေးစာစွာဖြင့် ဗိုလ်မှူးအောင်လင်းထွဋ်” ဟူ၍ ဖော်ပြထားသည်။

သို့သော် ဗိုလ်ချုပ်မှူးကြီး (ငြိမ်း) သန်းရွှေ ခေါင်းဆောင်သည့် စစ်အစိုးရအဖွဲ့ကမူ ဝေဖန်မှုများလာသည့်အတွက် ယင်းအကူအညီများကို အကန့်အသတ်ဖြင့်သာ လက်ခံခဲ့ဖူးသည်။ ယင်းနောက် ၂၀၀၈ ခုနှစ် နိုဝင်ဘာလတွင် ကုလသမဂ္ဂ ဆိုင်ရာ မြန်မာသံအမတ်ကြီး ဦးကျော်တင့်ဆွေ၏ နေရာတွင် ဗိုလ်ချုပ်တစ်ဦးဖြင့် အစားထိုးရန်အတွက် စစ်အစိုးရဘက်မှ ပြင်ဆင်နေကြောင်းလည်း သံတမန်အသိုင်းအ၀ိုင်းအား ကိုးကား၍ ခေတ်ပြိုင်ဂျာနယ်တွင်ပင် ထပ်မံ ဖော်ပြခဲ့ဖူးသည်။
နအဖကိုယ်စားလှယ် ဦးကျော်တင့်ဆွေဆိုသူသည် မဆလခေတ် ၁၉၆၈ ကတည်းက နိုင်ငံခြားရေးဌာနတွင် အမှုထမ်းသည့် သံတမန်တဦးသာ ဖြစ်သည်။ သံတမန်လုပ်သက် အနှစ် (၄၀) ကျော်ရှိပြီး ကုလသမဂ္ဂအမြဲတမ်း နအဖကိုယ်စားလှယ် အဖြစ် အမှုထမ်းနေသူဖြစ်သည်။ အင်္ဂလိပ်စကားပြော၍ နအဖဘက်မှ ရှေ့နေလိုက်ပေးပြီး နိုင်ငံခြားတွင် အနေများသူဖြစ်၏။ နအဖလုပ်သမျှ အားလုံးမှန်သည်ဟု ဦးကျော်တင့်ဆွေ နိုင်ငံတကာ၌ ပြောနေသည်ကို မကြာခဏကြားရ၏ ...
ယင်းသို့ ဦးကျော်တင့်ဆွေ၏ သတင်းများအား ဖော်ပြခဲ့သော ကြေးမုံဦးသောင်း တည်ထောင် ခဲ့သည့် ခေတ်ပြိုင်ဂျာနယ်တွင်ပင် “အာဆီယံအစိုးရများ၏ လူ့အခွင့်အရေးကော်မရှင်” ဟူသည့် အယ်ဒီတာအာဘော်တွင် ၎င်းနှင့် ပတ်သက်၍ “နအဖကိုယ်စားလှယ် ဦးကျော်တင့်ဆွေဆိုသူသည် မဆလခေတ် ၁၉၆၈ ကတည်းက နိုင်ငံခြားရေးဌာနတွင် အမှုထမ်းသည့် သံတမန်တဦးသာ ဖြစ်သည်။ သံတမန်လုပ်သက် အနှစ် (၄၀) ကျော်ရှိပြီး ကုလသမဂ္ဂအမြဲတမ်း နအဖကိုယ်စားလှယ် အဖြစ် အမှုထမ်းနေသူဖြစ်သည်။ အင်္ဂလိပ်စကားပြော၍ နအဖဘက်မှ ရှေ့နေလိုက်ပေးပြီး နိုင်ငံခြားတွင် အနေများသူဖြစ်၏။ နအဖလုပ်သမျှ အားလုံးမှန်သည်ဟု ဦးကျော်တင့်ဆွေ နိုင်ငံတကာ၌ ပြောနေသည်ကို မကြာခဏကြားရ၏” ဟူ၍ ဝေဖန်ခဲ့ဖူးသည်။

နိုင်ငံခြားရေးဝန်ကြီးဌာနတွင် ညွှန်ကြားရေးမှူးချုပ်အထိ တာဝန်ထမ်းဆောင်ခဲ့ဖူးသူ ဦးကျော်တင့်ဆွေအား စစ်အရာရှိဟောင်းဖြစ်သည်ဟု ၂၀၀၉ ခုနှစ် အောက်တိုဘာလအတွင်း ဖော်ပြခဲ့သည့် ဧရာဝတီသတင်းဌာန၏ “ရွေးကောက်ပွဲဥပဒေများ မကြာမီ ထုတ်ပြန်မည်ဟု ဗိုလ်ချုပ်ကြီး သိန်းစိန် ပြော” သတင်းတွင် ဖော်ပြထားပြီး စစ်ဘက်တွင် မည်သည့်တာဝန်များ ထမ်းဆောင်ခဲ့သည်ကိုမူ ယင်းသတင်းတွင် ထည့်သွင်းဖော်ပြထားခြင်း မရှိပေ။

ဦးကျော်တင့်ဆွေမှာ ယခင်အစိုးရထိပ်ပိုင်းခေါင်းဆောင်များနှင့် ယခင် သမ၀ါယမ၀န်ကြီး ဗိုလ်ချုပ် (ငြိမ်း) ကျော်ဆန်းနှင့် နီးစပ်သည့် သမ၀ါယမဘဏ်လုပ်ငန်းရှင် ဦးခင်မောင်အေး၏ KMA Group တွင် မန်နေဂျင်းဒါရိုက်တာအဖြစ် ပါဝင်လျက်ရှိကြောင်း KMA Group ၏ အင်တာနက် ၀က်ဘ်ဆိုက်တွင် ဖော်ပြထားပြီး အဆိုပါ www.kmagroup.net ၀က်ဘ်ဆိုက်အား မေလ ၁၂ ရက်က ၀င်ရောက်ကြည့်ရှုသည့်အခါ အန္တရာယ်ရှိသည့် ၀က်ဘ်ဆိုက်စာမျက်နှာအဖြစ် ဂူဂဲလ် Search Engine မှ သတ်မှတ်ထားပြီး ဖွင့်လှစ်ခွင့် မပေးခဲ့ပေ။ ထို့ပြင် အဆိုပါ ၀က်ဘ်ဆိုက်သို့ တိုက်ရိုက်ကြည့်ရှုသည့်အခါတွင်လည်း Reported Attack Page! ဟုဆိုကာ ကြည့်ရှုမရခဲ့ပေ။ KMA Group သည် ကုမ္ပဏီခွဲပေါင်း ၁၅ ခုကျော်ဖြင့် ဖွဲ့စည်းထားခြင်း ဖြစ်သည်။

KMA Group ၏ ၀န်ထမ်းဖွဲ့စည်းပုံဇယားတွင် ပါဝင်သည့် သံအမတ်ဟောင်း ဦးကျော်တင့်ဆွေ
CB ဘဏ်ပိုင်ရှင် ဦးခင်မောင်အေးမှာ ပြီးခဲ့သည့် ၂၀၁၅ ရွေးကောက်ပွဲတွင် တောင်ငူမဲဆန္ဒနယ်မှ အနိုင်ရရှိခဲ့သည့် ဦးခင်မောင်သန်း (လက်ရှိ ပြည်သူ့လွှတ်တော် ပြည်သူ့ငွေစာရင်းကော်မတီ အတွင်းရေးမှူး) နှင့် ရင်းနှီးသူလည်း ဖြစ်သည်။

၂၀၁၆ ခုနှစ် မတ်လ ၁၂ ရက်နေ့တွင် ၀င်ရောက်ကြည့်ရှုမရဘဲ ဖြစ်နေသည့် KMA Group ၀က်ဘ်ဆိုက်
မည်သို့ပင် ဖြစ်စေ သံအမတ်ဟောင်း ဦးကျော်တင့်ဆွေမှာ မီဒီယာများနှင့် အင်တာနက်သတင်း အချက်အလက်များအရ ယခင် စစ်အစိုးရလက်ထက် အစ္စရေး၊ မလေးရှား၊ ဂျာမနီ၊ ထိုင်း၊ ဂျပန် အပါအ၀င် ကုလသမဂ္ဂ မြန်မာသံအမတ်အဖြစ် တာဝန်ထမ်းဆောင်ခဲ့သည့် ၀ါရင့် သံတမန်တစ်ဦး ဖြစ်သည်ကိုမူ အချက်အလက်များအရ ငြင်းဆို၍ မရနိုင်ပေ။

၂၀၀၈ ဖွဲ့စည်းပုံအခြေခံဥပဒေ ပုဒ်မ ၂၃၂ (က) ပါ ပြည်ထောင်စုဝန်ကြီး၏ အရည်အချင်းများတွင် အသက် ၄၀ ပြည့်ပြီးသူ၊ ပုဒ်မ ၁၂၀ ပါ ပြည်သူ့လွှတ်တော်များအတွက် သတ်မှတ်အရည်အ ချင်းများနှင့် ပြည့်စုံသူ၊ နိုင်ငံတော်နှင့် နိုင်ငံသားများအပေါ် သစ္စာရှိသူအား ပုဒ်မ ၂၃၂ (ခ) အရ ကိုယ်စားလှယ်ထဲမှ ဖြစ်စေ၊ သတ်မှတ်အရည်အချင်း ပြည့်စုံသည့် သင့်လျော်သည့် ပုဂ္ဂိုလ်အား ဖြစ်စေ သမ္မတမှ ခန့်အပ်နိုင်ကြောင်း ပြဋ္ဌာန်းထားပြီး ဖြစ်သည်။

သို့သော် စစ်အစိုးရလက်ထက် တိုင်းသူပြည်သားတို့၏ လူ့အခွင့်အရေးချိုးဖောက်ခံရမှုများကို နိုင်ငံတကာအလယ်တွင် လူ့အခွင့်အရေး ချိုးဖောက်ခံရခြင်း မရှိပါဘူးဟု ဗြောင်ငြင်းဆန်ပေးခဲ့သည့် ဦးကျော်တင့်ဆွေအား လက်ရှိ NLD အစိုးရလက်ထက်တွင် ပြည်ထောင်စုဝန်ကြီး ခန့်အပ်မည့်အပေါ်မူ မေးခွန်းထုတ်စရာ ဖြစ်နေသည်။
စစ်အစိုးရလက်ထက် တိုင်းသူပြည်သားတို့၏ လူ့အခွင့်အရေးချိုးဖောက်ခံရမှုများကို နိုင်ငံတကာအလယ်တွင် လူ့အခွင့်အရေး ချိုးဖောက်ခံရခြင်း မရှိပါဘူးဟု ဗြောင်ငြင်းဆန်ပေးခဲ့သည့် ဦးကျော်တင့်ဆွေအား လက်ရှိ NLD အစိုးရလက်ထက်တွင် ပြည်ထောင်စုဝန်ကြီး ခန့်အပ်မည့်အပေါ်မူ မေးခွန်းထုတ်စရာ ဖြစ်နေ...
ပုဒ်မ ၂၃၂ (ဂ) (ဃ) အရ ခန့်အပ်လိုသည့် ပြည်ထောင်စုဝန်ကြီးအား ပြည်ထောင်စုလွှတ်တော်သို့ တင်သွင်းကာ သဘောတူညီချက်ရယူရမည်ဖြစ်ပြီး ပြည်ထောင်စုဝန်ကြီး၏ အရည်အချင်းနှင့် မပြည့်စုံကြောင်း အထင်အရှား မပြနိုင်ပါက အမည်စာရင်း တင်သွင်းခွင့်မရှိစေရဟု ဖော်ပြပါရှိသည်။

သို့သော် “ပြည်ထောင်စုဝန်ကြီးအား စွပ်စွဲပြစ်တင်ခြင်း” ပုဒ်မ ၂၃၃ (က) တွင်မူ ပြည်ထောင်စုဝန်ကြီး တစ်ပါးပါးအား နိုင်ငံတော်၏ ကျေးဇူးသစ္စာတော်ကို ဖောက်ဖျက်ခြင်း၊ ဖွဲ့စည်းပုံအခြေခံဥပဒေပါ ပြဋ္ဌာန်းချက်တစ်ရပ်ရပ်ကို ဖောက်ဖျက်ကျူးလွန်ခြင်း၊ အကျင့်သိက္ခာ ပျက်ပြားခြင်း၊ သတ်မှတ်ထားသည့် အရည်အချင်း ပျက်ယွင်းခြင်း၊ ဥပဒေအရ ပေးအပ်သည့် တာဝန်များအား ကျေပွန်စွာ မဆောင်ရွက်နိုင်ခဲ့ပါက လွှတ်တော်တစ်ရပ်ရပ်မှ ကိုယ်စားလှယ် လေးပုံ တစ်ပုံက လက်မှတ်ရေးထိုးကာ လွှတ်တော်အကြီးအမှူးထံ တင်ပြရမည် ဖြစ်သည်။

ယင်းစွပ်စွဲချက်ကို သက်ဆိုင်ရာလွှတ်တော်၏ ကိုယ်စားလှယ် သုံးပုံ တစ်ပုံက ထောက်ခံမှသာလျှင် စွပ်စွဲပြစ်တင်ခြင်းအား အရေးယူဆောင်ရွက်မည် ဖြစ်ကြောင်းလည်း အခြေခံဥပဒေတွင် ပြဋ္ဌာန်း ပါရှိသည်။

နိုင်ငံတော် အတိုင်ပင်ခံရုံးဝန်ကြီးဌာနအား အမျိုးသား ရင်ကြားစေ့ရေး၊ ပြည်တွင်း ငြိမ်းချမ်းရေး၊ နိုင်ငံတော် ဖွံဖြိုးတိုးတက်ရေးနဲ့ တရားဥပေဒေ စိုးမိုးရေး စသည့် လုပ်ငန်းစဉ်တွေ ပိုမိုထိရောက်ပြီး အောင်မြင်မှု ရရှိဖို့အတွက် ရည်ရွယ်ဖွဲ့စည်းခဲ့ခြင်းဖြစ်ကာ ဦးကျော်တင့်ဆွေ (သံအမတ်ဟောင်း) အား ၀န်ကြီးအဖြစ် မည်သည့်အတွက်ကြောင့် ခန့်အပ်တာဝန်ပေးသည်ကိုမူ တရားဝင် ထုတ်ဖော် ပြောဆိုထားခြင်း မရှိသေးပေ။

အောင်ထွန်းလင်း

ကိုးကား - ခေတ်ပြိုင် သတင်းဌာန, Wikipedia, www.un.org, www.burmacampaignjapan.com, daung-zarni.blogspot.com, naypyitawmyanmar.blogspot.com

(မှတ်ချက် - ဆောင်းပါးပါ ကိုးကားထားသည့် သတင်းဌာန ၀က်ဘ်ဆိုက်အချို့မှာ ယခုအခါ မရှိတော့သည့်အတွက် ၎င်းသတင်းဌာန၏ ဖော်ပြချက်များကို ထပ်ဆင့် ဖော်ပြထားသည့် ဘလော့ဂ်ဝက်ဘ်ဆိုက်လိပ်စာများကိုပါ ကိုးကားစာရင်းတွင် ထည့်သွင်းထားခြင်း ဖြစ်သည်။)

aung7

About aung7 -

Aung Htun Linn.. The Hornbill News Agency.

Subscribe to this Blog via Email :