Tuesday, May 24, 2016

aung7

အလုပ်သမားအဖွဲ့ သုံးဖွဲ့ပေါင်း၍ ကလေးမြို့တွင် ဆန္ဒ ထုတ်ဖော်

ဓာတ်ပုံ - သန့်ဇင်ဆွေ
ကလေး၊ မေ ၂၅

လုပ်ငန်းရပ်ဆိုင်းခံထားရသော သစ်စက်လုပ်သားထုများ၏ အလုပ်လက်မဲ့ ပြဿနာအပါအ၀င် အလုပ်သမား အခွင့်အရေး အပြည့်အ၀ ရရှိရေး၊ လုပ်ခလစာ တိုးမြှင့်ရေးတို့အတွက် စစ်ကိုင်းတိုင်း။ ကလေးမြို့တွင် မေ၂၅ ရက်က သစ်စက်အလုပ်သမားများ အပါအ၀င် အလုပ်သမားအင်အားစု သုံးစုက လှည့်လှည် ဆန္ဒထုတ်ဖော်ခဲ့သည်။

အလုပ်သမားရေးဆိုင်ရာ ပြဿနာများနှင့် ပတ်သက်၍ ကလေးမြို့ ကုန်တင်ကုန်ချအဖွဲ့၊ ရပ်ဆိုင်းခံထားရသော သစ်စက်အလုပ်သမားများအဖွဲ့နှင့် ပြင်ပ အလုပ်သမားများအဖွဲ့တို့ စုပေါင်းကာ လူအင်အား ၁၀၀ ခန့်ဖြင့် ခွင့်ပြုမိန့်ရယူ ဆန္ဒ ထုတ်ဖော်ခဲ့ခြင်း ဖြစ်သည်။

“ကျွန်တော်တို့ မှတ်ပုံတင်အစိုးရ အလုပ်သမားတွေဟာ ၂၀၁၄ ခုနှစ် ၃ လပိုင်းကနေပြီး ယနေ့ ၂၁၁၆ ငါးလပိုင်းအထိ ကုန်တင်ကုန်ချ လုပ်ပိုင်ခွင့် မရှိပါဘူး။ အလုပ်မလုပ်ရတာ တစ်နှစ်ကျော်အချိန်အထိ ရောက်ရှိခဲ့ပါတယ်။ ၂၀၁၅ ခုနှစ် ၇ လပိုင်းမှာ ကလေးမြို့ ရေကြီးရေလျှံဖြစ်စဉ်မှာလည်း အလုပ်သမားမိသားစုတွေ ဒုက္ခရောက်ခဲ့ရပါတယ်။ အလုပ်သမား မိသားစုတွေဟာ စားဝတ်နေရေး၊ ပညာရေး၊ ကျန်းမာရေး၊ လူမှုရေး အဆင်မပြေမှုတွေ၊ ဒုက္ခအကြီးအကျယ် ကျရောက်နေပါတယ်။ ဒါကြောင့် အလုပ်သမား လုပ်အား စုဆောင်းထားတဲ့ ငွေစုလက်မှတ်ကို အမြန်ဆုံးထုတ်ပေးပါလို့ အခု ဆန္ဒထုတ်ဖော်ရခြင်း ဖြစ်ပါတယ်” ဟု ဆန္ဒပြ အလုပ်သမားကိုယ်စားလှယ်တစ်ဦးဖြစ်သူ ဦးထွန်းဇော်လင်းက အောက်ချင်းသစ္စာ သတင်းအေဂျင်စီသို့ ပြောသည်။
ဓာတ်ပုံ - သန့်ဇင်ဆွေ
ဓာတ်ပုံ - သန့်ဇင်ဆွေ
ကလေးမြို့တွင် ယခင်က ကုန်တင်ကုန်ချ အလုပ်သမား ကလေးမြို့ ကုန်တင်ကုန်ချ အလုပ်သမားဦး ၃၀၀၀ ကျော်ရှိခဲ့ရာမှ အခုအခါ ၂၂ ဦးပင် မပြည့်တော့ဟုလည်း ၎င်းက ဆိုသည်။

အဆိုပါ အလုပ်သမားထု ဆန္ဒဖော်ထုတ်ပွဲကို “ပြင်ပလုပ်သားများ အလုပ်သမားအခွင့်အရေး အပြည့်အ၀ရရှိရေး၊ အလုပ်သမား လုပ်အားခ တိုးမြှင့်ပေးရေး၊ ကလေးမြို့ သစ်စက်လုပ်သားထု၏ ငြိမ်းချမ်းစွာ ဆန္ဒဖော်ထုတ်ပွဲ၊ လုပ်ငန်းရပ်ဆိုင်းနေသော သစ်စက်လုပ်သားထု၏ အလုပ်လက်မဲ့ပြဿနာအား အမြန်ဖြေရှင်းပေးရေး၊ သစ်စက်လုပ်သားထု၏ လူမှုဖူလုံရေးကို အပြည့်အ၀ တာဝန်ယူပေးရေး” စသည့် ဆိုင်းဘုတ်များ ကိုင်ဆောင်ကာ ခွင့်ပြုချက် ရယူ၍ ဆန္ဒဖော်ထုတ်ခဲ့ကြခြင်း ဖြစ်သည်။
ဓာတ်ပုံ - သန့်ဇင်ဆွေ
ဓာတ်ပုံ - သန့်ဇင်ဆွေ
စုဝေးလှည့်လည် ဆန္ဒဖော်ထုတ်ခြင်းကို နံနက် ၉ နာရီမှ နေ့လယ် ၁၂ နာရီအထိ ပြုလုပ်ရန် စီစဉ်ထားခြင်းဖြစ်ပြီး အထက်ချင်းတွင်းဒေသ လူငယ်များကွန်ယက်ရုံးမှ စတင်ကာ ဗိုလ်ချုပ်လမ်း၊ ပင်လုံလမ်း၊ နတ်ချောင်းလမ်း၊ ရုပ်ရှင်ရုံလမ်းများမှတစ်ဆင့် မြို့တွင်းလှည့်လည်ကာ အထက်ချင်းတွင်း လူငယ်များ ကွန်ယက်ရုံးရှေ့တွင် ဆန္ဒဖော်ထုတ်ပွဲအား ရုပ်သိမ်းခဲ့သည်။

သန့်ဇင်ဆွေ

aung7

About aung7 -

Aung Htun Linn.. The Hornbill News Agency.

Subscribe to this Blog via Email :