Saturday, April 23, 2016

aung7

လေခလို့ မြေကျခဲ့တဲ့ မွေတော်ကက္ကူနဲ့ ကုန်းကန်တော့ခဲ့ရတဲ့ ကမ္ဗည်းကျောက်စာတိုင်များ

တိုက်ဆိုင်တယ်ပဲ ပြောရမလား မသိ။ သင်္ကြန်ကာလအတွင်း မိသားစုတွေ ရှမ်းပြည်၊ အင်းလေးဘက် အပန်းဖြေခရီးထွက်ရင်း မွေတော်ကက္ကူ စေတီတော်တွေကို ၀င်ဖူးခွင့်ရခဲ့ပါတယ်။ အခုတော့ မိုးသက်လေပြင်းကျလို့ မွေတော်ကက္ကူက စေတီတော်တွေ မြေခခဲ့ရပါပြီ။

မြေ မခခင် ဖူးခွင့်ရခဲ့သည့် မွေတော်ကက္ကူ စေတီတော်များ။ ဓာတ်ပုံ - အောင်ထွန်းလင်း
မွေတော်ကက္ကူက စေတီတော်တွေဟာ အသောကမင်းကြီး လက်ရာတွေ ဖြစ်တယ်လို့ ဧည့်လမ်းညွှန်အမျိုးသမီးရဲ့ စကားအရ မှတ်သားရပြီး ကက္ကူဆိုတာ နယ်ခြားကင်းစခန်းလို့ အဓိပ္ပာယ်ရကြောင်းလည်း သိခဲ့ရတယ်။

သက်တမ်း ၂၃၀၀ ကျော် ကြာပြီဖြစ်ပေမယ့် ပုဂံက ဘုရားတွေလို ရွှေရောင်မ၀င်းဘဲ အုတ်ရောင်နဲ့ နဂိုပကတိ အမှန်ရှိနေသေးတာ တွေ့လို့ တော်သေးကြောင်းလည်း ခရီးသွားဖော် ဦးလေးဖြစ်သူနဲ့ စကားစမြည် ပြောခဲ့ရပါသေးတယ်။
မွေတော်ကက္ကူ ဘုရားဝင်းအတွင်းမှ ဗောဓိညောင်ပင်။ ဓာတ်ပုံ - အောင်ထွန်းလင်း
တကယ်တော့ မွေတော်ကက္ကူ စေတီတော်တွေဟာ ကိုယ်ပိုင်အုပ်ချုပ်ခွင့်ရ ပအို့ဝ်ဒေသတွင်းမှာ ရှိတာဖြစ်ပြီး စေတီတော်မှာ ထူးခြားချက်အနေနဲ့ ဗောဓိညောင်ပင် ရှိတာရယ်၊ နောက်ပြီး သမိုင်းဒဏ္ဍာရီလာ ရွှေချထားတဲ့ ၀က်မင်းရုပ်ထုတို့ ရှိတာပါပဲ။

ရွှေဝက်မင်းရုပ်တု။ ဓာတ်ပုံ - အောင်ထွန်းလင်း
စေတီတော်ရဲ့ ဘယ်ဘက်ခြမ်းမှာတော့ ရှုမောဖွယ်ရာ ညောင်ပိန္နဲပင်တွေကို ခရီးသွားစဉ်ကာလ တွေ့ခဲ့ရပေမယ့် အခုတော့ လေခလို့ မြေကျရရှာကုန်ပါပြီ။ ထားတော့။

ပြောချင်တာက တစ်ခုပါ။

မွေတော်ကက္ကူ စေတီတော်တွေကို ဦးလေးနဲ့အတူ ၀င်ရောက်ဖူးမြော်ရင်း တွေ့ခဲ့ရတာကတော့ တစ်ချိန်က တိုင်းပြည်အုပ်ချုပ် မင်းလုပ်ခဲ့သူ ဗိုလ်ချုပ်တွေရဲ့ အလှူကမ္ဗည်းကျောက်စာတွေပါ။ စေတီတော်တွေစီကို ၀င်တဲ့ မိန်းလမ်းမကြီး ဘေးတစ်ဘက်တစ်ချက်ကို ကြည့်လိုက်ရင် ဗိုလ်ချုပ်တွေ၊ ၀န်ကြီးတွေ၊ သက်ဆိုင်ရာ အစိုးရအဖွဲ့အစည်းတွေရဲ့ ကောင်းမှုဆိုပြီး စေတီတော်တွေကို အနည်းငယ် ပြုပြင်၊ ပြီးတော့ ခပ်တည်တည်နဲ့ ကျောက်စာကမ္ဗည်း ထိုးတယ်ကြတယ်လေ။

ကောင်းမှုတော် ကမ္ဗည်းကျောက်စာ အသီးသီးနှင့် မွေတော်ကက္ကူ စေတီတော်များ။ ဓာတ်ပုံ - အောင်ထွန်းလင်း
တချို့ကျောက်စာကမ္ဗည်းတိုင်က ခပ်သေးသေးဆိုပေမယ့် တချို့ တချို့သော ကမ္ဗည်းကျောက်စာတိုင်က လူ့ခါးဝက်ထက်ကို ကြီးနေကြတော့ ကိုယ်ကန်တော့တာ စေတီတော်ကိုလား၊ ကျောက်စာတိုင် ကိုလားတောင် မသိတော့ဘူး။

ဒီလိုမျိုး ရှေးရှေးက အုပ်ချုပ် မင်းလုပ်ခဲ့သူတွေက လူတွေသာ နားသွားပေမယ့် သူတို့အုပ်ချုပ်စဉ် အဆက်ဆက် နိုင်ငံတော်ဘဏ္ဍာနဲ့ ဘုရားစေတီတွေမှာ နေရာဝင်ယူခဲ့တာတွေက ကမ္ဗည်းကျောက်စာ ခန့်ခန့်တည်တည်နဲ့ မသေသေးပါဘူး။ ထားချေတော့လေ။

လေခလို့ မြေကျရရှာတဲ့ မွေတော်ကက္ကူစေတီတော်ပေါင်း ၁၇၀၀ ၀န်းကျင်ရှိပြီး ရှိရင်းစွဲ စေတီတော်တွေက ၂၄၇၈ ဆူ ရှိတာပါ။ ဒါတင် မဟုတ်။ အသောကမင်းကြီးရဲ့ ဆုတောင်းပြည့်စေတီတော်ဟာလည်း ထက်ပိုင်းကျိုးကျ ပျက်စီးခဲ့ပြီလေ။
အသောကမင်းကြီး၏ ဆုတောင်းပြည့်စေတီတော်။ ဓာတ်ပုံ - အောင်ထွန်းလင်း
ဘာပဲပြောပြော ဒီစေတီတော်တွေကို လက်ရှိအာဏာရသူတွေ ပြန်လည် မွမ်းမံရပါတော့မယ်။ ပြန်လည် မွမ်းမံတဲ့အချိန်ကျရင်ကော နဂိုအတိုင်း ကမ္ဗည်းကျောက်စာတိုင်တွေကိုကော သူတို့ နာမည် တပ်ကြဦးမှာလားဆိုတာ စိတ်တော့ ၀င်စားမိရဲ့။

ဘာလို့လဲဆိုတော့ နောက်တစ်ကြိမ် မွေတော်ကက္ကူ စေတီတော်တွေ ဖူးတဲ့အခါ စေတီတော်ကိုပဲ ဦးခိုက်ချင်တဲ့ စိတ်ဆန္ဒကြောင့် အနှောင့်အယှက် ဖြစ်နေတဲ့ ဂုဏ်ဖော်ထားတဲ့ ကမ္ဗည်းကျောက်စာတိုင်တွေကို ဖယ်ရှားစေရင်းလိုပါပဲ။

အောင်ထွန်းလင်း

aung7

About aung7 -

Aung Htun Linn.. The Hornbill News Agency.

Subscribe to this Blog via Email :