Tuesday, March 8, 2016

aung7

စိုက်ပျိုးမြေများ အကွက်ရိုက် ရောင်းချထားသည့် အုပ်ချုပ်ရေးမှူး စစ်ဆေးခံရ

ရန်ကုန်၊ မတ် ၈

မြို့နယ်အာဏာပိုင်အဖွဲ့၏ ခွင့်ပြုချက်ဖြင့် ပလပ်ထားသော စိုက်ပျိုးမြေကွက်ရိုက် ရောင်းချခဲ့သူ ထောက်ကြန့်မြို့နယ်၊ တိုးချဲ့ရပ်ကွက် အုပ်ချုပ်ရေးမှူးအား မြေကွက်များ ရောင်းချရာတွင် ဈေးနှုန်းကွာဟခြင်း၊ ငွေစာရင်းများ ရှင်းလင်းရာတွင် ကွာဟမှုရှိနေသည်ဟုဆိုကာ ရပ်ကွက်နေပြည်သူများ က တိုင်ကြားခဲ့သဖြင့် မြို့နယ်အာဏာပိုင်များက ခေါ်ယူစစ်ဆေးခဲ့သည်။

ဇန်ဝါရီလ ၂၃ ရက်က တိုးချဲ့ရပ်ကွက် အုပ်ချုပ်ရေးမှူး ရွေးချယ်ပွဲ တွင် ရွေးချယ်ပွဲအား ရပ်မိရပ်ဖများမှ ကြီးကြပ်လုပ်ကိုင်ရမယ့်အစား ယင်းအချိန်က အုပ်ချုပ်ရေးမှူးဖြစ်သူ ဦးဝင်းမြင့်ကိုယ်တိုင် ကြီးကြပ်ခြင်းမှာ ဥပဒေနှင့် မညီခြင်း၊ တိုင်စာတွင် တိုးချဲ့ရပ်ကွက် ရပ်ကွက်ပိုင်မြေအား အလွဲသုံးစားမှုများ ရှိသည်ဟုဆိုကာ စွပ်စွဲချက် ပါဝင်နေသည့်အတွက် ခေါ်ယူစစ်ဆေးခံရခြင်း ဖြစ်သည်။

“စစ်ဆေးမူတွေကတော့ သုံးလေးမျိုးရှိပါတယ်။ ကျွန်တော်တို့က အုပ်ချုပ်ရေးမှူး အပိုင်းကိုပဲ စစ်ဆေးတာပါ။ မြေယာကိစ္စကတော့ မြို့နယ် အုပ်ချုပ်ရေးမှူးက သီးခြား အဖွဲ့လုပ်ပြီး ခိုင်းတာ ရှိပါတယ်။ ကျွန်တော်တို့က အုပ်ချုပ်ရေးမှူး ရွေးတဲ့အခါမှာ သတ်မှတ်အရည်ချင်းတွေနဲ့ ဟုတ် မဟုတ်ဘဲ စစ်ဆေးတာပါ။ မြေယာကိစ္စကတော့ ကျွန်တော်တို့က မကျွမ်းကျင်ပါဘူး” ဟု မင်္ဂလာဒုံမြို့နယ်၊ အုပ်ချုပ်ရေးမှူး ရွေးချယ်မှုများစစ်ဆေးရေး အဖွဲ့ခေါင်းဆောင် ဦးတင်ထွန်းက အောက်ချင်း သတင်းအေဂျင်စီသို့ ပြောသည်။
အုပ်ချုပ်ရေးမှူး ရွေးချယ်ပွဲမတိုင်မီ ၂၀၁၅ ခုနှစ် ဒီဇင်ဘာလ ၃ ရက်က ရန်ကုန်မြို့တော် စည်ပင်သာယာရေးကော်မတီသို့ ပေးပို့ခဲ့သည့် တိုင်ကြားစာတွင် စီမံကိန်း လုပ်ငန်းများ လုပ်ဆောင်ရန်အတွက် တိုးချဲ့ ရပ်ကွက် (၃) တွင် ပလပ်မြေများ ထားရှိရာ ယင်းမြေပေါ်တွင် ရပ်ကွက်ရန်ပုံငွေအတွက် မြေကွက်များ ရိုက်၍ ရောင်းချရာ တွင် ငွေစာရင်းကွာဟမှုများ ရှိကြောင်း ရပ်ကွက်နေပြည်သူများက စုပေါင်းလက်မှတ်ထိုး တိုင်ကြားခဲ့ဖူးသည်။

ယင်းနောက် အုပ်ချုပ်ရေးပွဲ ပြုလုပ်ရာတွင် စည်းမျဉ်းစည်းကမ်း များ ဖောက်ဖျက်၍ လုပ်ဆောင်ခဲ့သည့်အတွက် ဦးဝင်းမြင့်မှာ အလွဲသုံးစား မှုဖြင့် တိုင်ကြားခံထားရသူ ဖြစ်သဖြင့် ၄င်းအား ပြန်လည်စစ်ဆေးပေးရန်အ တွက် ထပ်မံတိုင်ကြားခဲ့ရာမှ ယခုကဲ့သို့ စစ်ဆေးခံရခြင်းလည်း ဖြစ်ပြီး တိုင်ကြားသူများထဲမှ နှစ်ဦးအား စုံစမ်းရေးအဖွဲ့က မတ်လ ၁ ရက်တွင် ခေါ်ယူကာ ဦးဝင်းမြင့်၏ မြေကိစ္စ အလွဲသုံးစားမှုနှင့် ပတ်သက်၍ စစ်ဆေးခဲ့သည်။

“ပထမအကြိမ် စပြီးတိုင်ထားတာ ရပ်ကွက်ထဲက လူတွေစုပြီး လက်မှတ်ရေး ထိုးပြီး တိုင်တာပါ။ နောက်ပိုင်း အုပ်ချုပ်ရေးမှူးရွေးချယ်ပွဲကိစ္စမှာလည်း မြေယာ ကိစ္စကြောင့် ပြန်ဖြုတ်ပေးဖို့ ထပ်ပြီး တိုင်ထားတာပါ။ အဲဒီကိစ္စတွေကို မြို့နယ် ထွေအုပ်ရုံးမှာပဲ ဦးတင်ထွန်းတို့က ခေါင်းဆောင်ပြီး စစ်ဆေးနေတာပါ။ ပြီးခဲ့တဲ့ မတ် ၁ ရက်နေ့က မြေယာကိစ္စနဲ့ ပတ်သက်ပြီး စစ်ဆေးဖို့ တိုင်ထားတဲ့သူတွေထဲက ကျွန်တော်ရယ်၊ နောက်တစ်ယောက် စုစုပေါင်းနှစ်ယောက်ကို ဦးတင်ထွန်းကပဲ မြေယာကိစ္စကို ခေါ်စစ်ခဲ့တာပါ” ဟု တိုင်ကြားခဲ့သူများတွင် ပါဝင်ပြီး ခေါ်ယူစစ်ဆေးခံခဲ့ရသူ ကိုကျော်နိုင်ဝင်းက ဆိုသည်။

ဒီဇင်ဘာလ ၃ ရက် တိုင်ကြားစာတွင် ပလပ်မြေပေါ်တွင် ၂၅x၅၀ အကွက် ၁၀၀ ခန့်ရှိကြောင်း၊ လက်ရှိ ပန်းစိုက်ပျိုးနေသူများအား စုစုပေါင်း ၅၁ ကွက်ပေးရပြီး ကျန်ရှိအကွက် ၅၀ အား သိန်း ၃၀ ဖြင့် ရောင်းရာတွင် မြို့နယ်အုပ်ချုပ်ရေးမှူးရုံးသို့ အကွက် ၂၀၊ ခရိုင်အုပ်ချုပ်ရေးမှူးရုံးသို့ ၅ ကွက်၊ ပါတီငါးခုအတွက် ၅ ကွက်၊ အုပ်ချုပ်ရေးပိုင်းမှာ ရာအိမ်မှူး ၁၅ ဦးအတွက် ၅ ကွက်နှင့် အခြားငှာနဆိုင်ရာများသို့ ရောင်းချရာတွင် သိန်း ၁၅၀၀ ရရှိထားကြောင်းနှင့် ယင်းငွေဖြင့် ရပ်ကွက်လမ်းခင်းရန် ဖွံ့ဖြိုးရေးငွေ ဟု ပေါ်ပေါက်လာကြောင်း အောက်တိုဘာလ ၈ ရက်က ရပ်ကွက် ဓမ္မာရုံတွင် ပြုလုပ်သည့် အစည်းအဝေးတွင် တိုးချဲ့ အုပ်ချုပ်ရေးမှူး ဦးဝင်းမြင့် က ပြောကြားထားခဲ့ဖူးကြောင်း ပါရှိသည်။

သို့သော် ယင်းသို့ အကွက်ချ၍ မြေများရောင်းရာတွင် ကော်မတီဖွဲ့စည်းမှု မရှိခြင်း၊ အမှန်တကယ် အကွက်ရိုက်မည်ဆိုပါက အကွက်ပေါင်း ၁၅၀ ခန့် ရရှိနိုင်ကြောင်း၊ မြေကွက်များ ရောင်းချရာတွင် ပွင့်လင်းမှု မရှိခြင်း၊ အမှန်တကယ် မြေကွက်ပေါက်ဈေးဖြင့် ရောင်းချမှု မရှိခြင်းတို့ တွေ့ရှိနေရ သည်ဟုဆိုကာ ရပ်ကွက်နေပြည်သူများကိုယ်စား ဒေါ်စန်းစန်းရီ ဦးဆောင်ကာ အဆိုပါ တိုင်ကြားစာကို စည်ပင်သာယာရေးကော်မတီသို့ တိုင်ကြားခဲ့ခြင်း ဖြစ်သည်။

''သူပြောတဲ့အထဲမှာတော့ မြို့နယ် ထွေ/အုပ်ရုံးကို အကွက် (၂၀)၊ တိုင်း ထွေ/အုပ်ရုံးကို (၅) ကွက်၊ ပါတီ (၅) ခုကို (၅) ကွက်၊ စခန်းမှူးကို (၁) ကွက်၊ စည်ပင်ရုံး၊ ရာအိမ်မှူးတွေနဲ့ ထောက်လှမ်းရေးလည်း ပါတယ်။ စုစုပေါင်း အကွက် (၅၀)ကို တစ်ကွက်ကို သိန်း (၃၀) နဲ့ သိန်း (၁၅၀၀) ဖိုး ရောင်းထားတယ် ပြောတယ်'' ဟု တိုင်ကြားခဲ့သူ ဒေါ်စန်းစန်းရီ က အောက်ချင်း သတင်းအေဂျင်စီသို့ ပြောသည်။

အဆို ဖွံ့ဖြိုးရေးရန်ပုံငွေများထဲမှာ ကျပ် ၂၆၅ သိန်းတန် မီးသတ်ကားတစ်စီး ၀ယ်ယူထားပြီး ရပ်ကွက်တွင်း လမ်းများ ခင်းရန်အတွက် ကျန်ရန်ပုံငွေမှ ကုန်ကျစရိတ်၏ သုံးပုံ နှစ်ပုံကို ကျခံကာ ကျန်တစ်ပုံအား လမ်းသူလမ်းသား များမှ ထည့်ဝင်ကြရန်လည်း တိုးချဲ့အုပ်ချုပ်ရေးမှူး ဦးဝင်းမြင့်က ပြောဆိုထားသည်။

ပလပ်မြေများအား အကွက်ချ ရောင်းချပေးရာတွင် ဌာနဆိုင်ရာ အဖွဲ့အစည်းများအပြင် မီဒီယာအသိုင်းအ၀ိုင်းမှ အဖွဲ့အစည်းနှင့် ပုဂ္ဂိုလ်များကိုလည်း တစ်ကွက်လျှင် ကျပ်သိန်း ၃၀ ဖြင့် ရောင်းချပေးထားသည်ဟု သိရှိရသည်။

ယင်းနှင့် ပတ်သက်၍ “တို့ရပ်ကွက်မှာ အုပ်ချုပ်ရေးမှူး ရွေးချယ်ပွဲလုပ်တယ်။ ဦးလေးက ၈၇ မဲနဲ့ နိုင်တယ်။ အဲဒီအချိန်မှာ ဦးလေးကို မျှတမူ မရှိဘူးဆိုပြီး တိုင်တယ်။ ဒုတိယအချက် ရပ်ကွက်ထဲက မြေတွေကို ဦးလေးက အလွဲသုံးစားလုပ်ပါတယ်ဆိုပြီး တိုင်တယ်။ ဒီအချက်နှစ်ချက်ပါ။ ဦးလေးက အများပြည်သူ တစ်ရပ်ကွက်လုံး တစ်အိမ်ဆင်း တစ်အိမ်တက် ဖိတ်စာပေးပြီးတော့မှ ရွေးချယ်တာ။ ဦးလေးက ဘယ်သူ့ကိုမှ ကျွန်တော့ကိုထည့်ပါလို့ မဲဆွယ်ခဲ့တာ မရှိဘူး အရှင်းကြီးပါ။ မြေတွေကို အလွဲသုံးစားလုပ်ပါတယ်ဆိုပြီး ပထမတစ်ခါ ရန်ကုန်မြို့တော် စည်ပင်သာယာရေး ကော်မတီကို တိုင်လို့ ဦးလေးကိုယ်တိုင် ၃၈ လမ်းမှာ သွားရှင်းခဲ့တယ်။ ဦးလေး တို့လုပ်တယ်ဆိုတာက ဦးလေးတို့ကိုအုပ်ချုပ်တဲ့ အထက်ဌာနရဲ့ ခွင့်ပြုချက်နဲ့အညီ လုပ်တာပါ။ အကုန်လုံး အစီရင်ခံတင်ပြပြီး လုပ်တာပါ။ ဦးလေးကိုယ်တိုင်က မြေကွက်ကြီး ရော့ယူပါ လို့ ရောင်းစားထားတာ ယနေ့ထိ မရှိဘူး။ မြေတွေကို တစ်ခုမှ ရောင်းခဲ့တာ မရှိပါဘူး။ စိုက်ပျိုးမြေချလို့ ဒီမြေကို ဒီအတိုင်းချရင် မဖြစ်ဘူး ရပ်ကွက်ရဲ့ ဖွံ့ဖြိုးရေး လုပ်ငန်းအတွက် ထည့်ဝင်ငွေထည့်ပါ ပြောခဲ့တာပါ။ သိန်း ၁၅၀၀ က မရသေးပါဘူး။ လမ်းက ခင်းပြီးလို့ အကြွေးတောင်တင်နေပြီ။ စိုက်ပျိုးမြေအဖြစ်ပဲ လုပ်ပိုင်ခွင့်လုပ်ဖို့ အတွက်ပါ။ ဒီမြေကို ရပ်ကွက်ဖွံ့ဖြိုးရေးအတွက် သုံးစွဲချင်တယ်ဆိုပြီး မြို့နယ် ဖွံ့ထောက်ကို တင်ပြခဲ့ပြီးတော့မှ လုပ်တာပါ” ဟု ခေါ်ယူစစ်ဆေးခံရသူ တိုးချဲ့ရပ်ကွက် အုပ်ချုပ်ရေးမှူး ဦးဝင်းမြင့်က အောက်ချင်း သတင်းအေဂျင်စီသို့ ပြောသည်။

သတင်းမီဒီယာမှာ တစ်ခုမှ သတင်းထောက်ဆိုသူအား မြေကွက်ရောင်းချ ထားသည့် စာရင်းတွင် ပါဝင်သည်ဟု စွပ်စွဲသူများဘက်မှ ပြောဆိုထားမှု အပေါ် ဦးဝင်းမြင့်က “အုပ်ချုပ်ရေးမှူး ရွေးချယ်ပွဲနဲ့ ပတ်သက် တာရော၊ မြေကိစ္စကိုပါ စစ်ပြီးပါပြီ။ ရုံးမှာ ခေါ်ပြောတဲ့ မြေကွက်ပေးရ မယ်ဆိုတဲ့ သူတွေထဲမှာ ဘယ် --- သတင်းထောက်မှ မပါပါဘူး။ ဘယ်သူမှ မပါဘူး” ဟု ဆိုသည်။

ဇန်န၀ါရီလ ၁ ရက် နေ့စွဲဖြင့် မြို့နယ်အုပ်ချုပ်ရေးမှူးထံ ဒေါ်စန်းစန်းရီ မှ ပေးပို့ထားသော တိုင်ကြားစာ၌ ဦးဝင်းမြင့်မှာ ယခင်က ရေ၊ ကွမ်းယာ စသည်တို့ ရောင်းချသူဖြစ်ပြီး ၂၀၁၂ ခုနှစ် အုပ်ချုပ်ရေးမှူးရွေးပွဲတွင် အုပ်ချုပ်ရေးမှူး ဖြစ်လာသူ ဖြစ်ကြောင်း ယင်းကာလ ပိုင်ဆိုင်မှုနှင့် ယခုကာလ ပိုင်ဆိုင်မှုမှာ များစွာ ကွာခြားနေကြောင်း၊ ၂၀၁၅ ခုနှစ် နောက်ပိုင်းတွင် ကား ခြောက်စီးအထိ ပိုင်ဆိုင်လာခဲ့ပြီး ယင်းပိုင်ဆိုင်မှုများကိုလည်း မိသားစုဝင်အမည်များဖြင့် ထားရှိကြောင်း၊ ခိုင်မာသည့် စီးပွားရေး နောက်ခံတစ်ခု မရှိဘဲ ယင်းကဲ့သို့ တိုးတက်ပြောင်းလဲလာခြင်းမှာ အုပ်ချုပ်ရေးမှူး လစာတစ်ခုတည်းဖြင့် မဖြစ်နိုင်ဟုဆိုလျှင် လုပ်ပိုင်ခွင့်များ အလွဲသုံးစားလုပ်၍ ပိုင်ဆိုင်ထားကြောင်း သိသာသောအချက်ဖြစ်သည်ဟု ထည့်သွင်း ဖော်ပြထားသေးသည်။

နေမင်းသူ (အောက်ချင်း သတင်းအေဂျင်စီ)

aung7

About aung7 -

Aung Htun Linn.. The Hornbill News Agency.

Subscribe to this Blog via Email :